فزاع - قصيدة تعال

تحياتي لكم ::

عاشق قابوس

 

تــــــعـــــال

تعال ياوجه الـــــسعد واشطب علـــى وجه البغيض
ياحــــيك وطلتـــــــــــك في وجهي بعد ياحيـــــــها

تنعشني انعاش الشفاء..العاجل.. القلب.. المريض
ياايـــــها تدري يالبـــــــــــيك انت وش ياأيها ..؟

ماانتـــــــه بزي الــــناس واكتبها لك بخط عريض
تبغيــــــــــني احلف لا ورب الـــــــبيت منت بزيها

ياللــــــــي غرامك في خفوقي من كثر قدره يفيض
النفــــــــــس تندب حظهــا والعـــــــين تبكي حيها

من عوضك اليا فقدك وان وجد كيف استـــــعيض
وانتي النــــــــــهار وشمسي وشجرة غلاي وفيها

هاجرت واصبح زولك في عيني يهاجرني واميض
يااول جــــــــــــروحي دخـــــــــــــيل الله من تاليها

احيا على وصلك واموت في كل برد وكل قـــــيض
تضمــــــــى مشــــــاعر خافقي لك وانت سبة ريها

لبيك يلي من عشـــــــقتك قمت احس اني حضيض
يامــــــغوين نفسي .. ونفـــــــــسي ذايبه من غيها

انا ادري ان كل الليـــــالي ســـــــــود والايام بيض
دامــــــــــــــك معي ماهـــــــــــمني من كــــــــيها 

تحياتي لكم ::

عاشق قابوس

 

 

صور تتكلم

عندما تتكلم الصور يعجز اللسان عن التعبير

تحياتي لكم :

عاشق قابوس

 

تحياتي لكم :

عاشق قابوس

 



معلومات في الجالكسي

تحياتي لكم :

عاشق قابوس

 

بعض الحركات الحلوة والاختصارات في الجالكسي 

نبتدي بـ
طريقة الاتصال او ارسال رسالة بطريقة اسرع من العادية :

 

عند الاتصال على رقم محفوظ لدينا في قائمة الاسماء
لابد ان ندخل على قائمة الاسماء ومن ثم الدخول على الاسم المراد الاتصال عليه
وبعدها اتصال لكن مع هذه الميزه تستطيع الدخول على قائمة الاسماء وبعدها تمرير
اصبعك لليمين على جهة الاتصال التي تريدها سوف يظهر لك اتصال , وعند تمرير اصبعك لليسار سوف يظهر لك ارسال رسالة جديدة كما هو واضح في الصور

الاتصال السريع :

الدخول اولا على الهاتف وبعد ذلك
اختيار لوحة المفاتيح من اعلى الشاشة وبعدها زر القائمة
ونختار اعداد الاتصال السريع
واضغط على احد الاقام واضف الاسم الذي تريده ..

تغيير اماكن الايقونات :

اولا ندخل على التطبيقات وبعدها نضغط على زر القائمة
ونختار تعديل راح تشوف حدود بيضاء على الايقونات او علامة ممنوع الدخول
علق بـ اصبعك على الايقونه وغيرها للمكان اللي تبي
وينطبق الشرح على جميع الايقونات حتى لو حبيت تنقلها من صفحه الى صفحة اخرى
انا غيرت مكان الرسائل بالكاميرا

زيادة اضاءة الشاشة اوتقيلها بشكل سريع جدا :

نضغط على اعلى الشاشة وكأننا سوف نسحب شريط الاشعارات وبعدها
حرك صبعك يمين ويسار راح تشوف نورالشاشة يزيد وينقص

اجعل هاتفك مودم متنقل :

الطريقة مفيدة لو كنت مشترك في باقة مفتوحة
وجنبك 3 او 4 جوالات خليهم يشبكون على جهازك

في البداية رز القائمة
وبعدها الضبط وبعدها نتابع الصور

نضع صح على موبايل AP

وبعدها روح ابحث بـ الجوال اللي جنبك او لابتوب وراح تشوف الجوال صار مودم

عرض الصور والفديو على التلفاز :

اول حاجه تحتاج سلك نوكيا
اللي يوصل الجوال بالتلفزيون
مثل هذا السلك ,, ( اللي شريته انا لـ N 95 )
قيمته بـ 15 ريال مستعمل

اشبك السلك بالجوال وبـ التلفاز

نروح للقائمة

بعدها الضبط

بعدها ضبط الشاشة

مخرج تلفاز

ونختار الصح اللي على مخرج التلفاز

وفلها مع الاهل والاصدقاء اعرض صورك وكل اللي تبي راح تجي شاشتك في التلفاز
يعني اي مكان تروح فيه يبان عندهم

ملاحظة : راح تكون الصور والفديو وضحوهم جيد جدا

لان السامسونج جالكسي S مخرجه HD
وتقدر تطلبه عن طريق مواقع النت وهي كثيره وهذا مثال لشكل السلك

طبعا مع هذا السلك راح يكون نفس عرض جوالك من ناحية الدقة والسرعة
يعني تقدر تعرض افلام او اي حاجه تبيها بصفااااااوه عالية جداا

تحياتي لكم :

عاشق قابوس

 

للمحبه حدود وحبي لك سماء

تحياتي لكم ::

عاشق قابوس

 



للمحبة حدود وحبي لك سما
والسما لو تعرف ابعاد وحدود
ما جريت في دمي وعروقي كما
تسبح الأفلاك في عرض الوجود
تدري عندي وشهو مفهوم الظما
غيبتك أحيان ولو منت ب جحود
يا غمام كل ما مرّ وهما
تنتهي جروحي و تهتزّ الورود


قل ل عينك هاللي تذبح ب الوما
هاللي بين الداعج وبين الرقود
ان قلبي من غلاتك ربما
لو يجود بصاحبه بك مايجود
مدري قلبي شاف حبك واعتمى
لاغي اللي بعدك وما يبغي زود
ولا قلبي شاف من بعد العمى
كن كل حب مضى ماله وجود


لك في صدري حب راقي مثلما
للنسيم اللي على روضك ينود
وان سألني الحاسد احبك لما
قلت خذ عيني و شوفه يالحسود
العيون تحب وتنحب انما
انت عندي غير عن كل الوجود
لو تحبني موت أنا أحبك سما
واحسب انت طولها وعرض الحدود ..

تحياتي لكم ::

عاشق قابوس